മാസ്റ്റര്‍ ഡാവിഞ്ചി സന്തോഷ്

ജീവചരിത്രം:  പ്രശസ്ത ചലച്ചിത്ര താരമാണ് മാസ്റ്റര്‍ ഡാവിഞ്ചി സന്തോഷ്. ചെറിയ പ്രായത്തില്‍ തന്നെ അച്ഛന്‍ സതീഷ് കുന്നോത്തിനൊപ്പം നാടക ക്യാപുകളില്‍ പോയ ഡാവിഞ്ചി ഒരു തെരുവ് നാടകത്തില്‍ ഡ്യൂപ് ആയാണ് അഭിനയം തുടങ്ങുന്നത്. നാടകത്തിലെ പ്രകടനത്തിലൂടെ പല്ലൊട്ടി, ജീന്‍വാല്‍ജീന്‍ തുടങ്ങിയ ഹ്രസ്വ ചിത്രങ്ങളിലെ പ്രധാന കഥാപാത്രങ്ങളെ അവതരിപ്പിച്ചു.  പിന്നീട് മജു സംവിധാനം ചെയ്ത ഫ്രഞ്ച് വിപ്ലവത്തിലൂടെ ഡാവിഞ്ചി സിനിമയിലെത്തി. തുടര്‍ന്ന് ഷാനവാസ് ബാവക്കുട്ടി സംവിധാനം ചെയ്ത തൊട്ടപ്പനിലെ ജോയിമോന്‍ എന്ന മുഴുനീള കഥാപാത്രത്തെ അവതരിപ്പിച്ചു. ലോനപ്പന്റെ മാമോദീസ, സമക്ഷം, കാടകലം, മധുരമീ ജീവിതം എന്നിവയാണ് അഭിനയിച്ച മറ്റു പ്രധാന സിനിമകള്‍.