മുരുകന്‍ മാര്‍ട്ടിന്‍

ജീവചരിത്രം:  പ്രശസ്ത ചലച്ചിത്ര നടനാണ് മുരുകന്‍ മാര്‍ട്ടിന്‍. തമിഴ്‌നാട്ടിലെ തേനിയിലെ പെരിയം കുളമാണ് സ്വദേശം. ബാലവേലയ്ക്കായി കേരളത്തിലെത്തിയ മുരുകന്‍ അടിമപ്പണി മടുത്തപ്പോള്‍ കുപ്പിയും പാട്ടയും പെറുക്കി വിറ്റും, ബ്ലാക്കില്‍ തിയേറ്ററില്‍ ടിക്കറ്റ് വിറ്റുമാണ് ജീവിച്ചത്. അതിനിടയിലാണ് ''ഇരിക്കൂ എം.ഡി അകത്തുണ്ട്'' എന്ന ചിത്രത്തില്‍ അഭിനയിക്കുന്നത്. ആള്‍ക്കൂട്ടത്തിനിടയില്‍ നില്‍ക്കുന്നതായിരുന്നു വേഷം.  തുടര്‍ന്ന് ഉത്തമന്‍, സഹയാത്രിയ്ക്ക് സ്‌നേഹപൂര്‍വ്വം തുടങ്ങിയ ചിത്രങ്ങളിലൂടെ ജൂനിയര്‍ ആര്‍ട്ടിസ്റ്റായി സിനിമാജീവിതം ആരംഭിച്ചു. തമ്പി കണ്ണന്താനം സംവിധാനം ചെയ്ത ''ഫ്രീഡം'' എന്ന ചിത്രത്തിലാണ് മുരുകന് ആദ്യമായി ഒരു കഥപാത്രം ലഭിക്കുന്നത്. പിന്നീട് അന്നയും റസൂലും, ബിഗ് ബി, ഹോട്ടല്‍ കാലിഫോര്‍ണിയ തുടങ്ങി നിരവധി ചിത്രങ്ങളില്‍ അഭിനയിച്ചു. മുഹ്‌സിന്‍ പരാരി സംവിധാനം ചെയ്ത ''കെഎല്‍ - 10 പത്ത്'' എന്ന ചിത്രത്തിലൂടെയാണ് മുരുകന്‍ ശ്രദ്ധിക്കപ്പെടുന്നത്. തുടര്‍ന്ന് ചെറുതും വലുതുമായി നിരവധി കഥാപാത്രങ്ങളെ അവതരിപ്പിച്ചു.