സന്തോഷ് വര്‍മ

ജീവചരിത്രം:  മലയാളത്തിലെ പ്രശസ്ത ഗാനരചയിതാവും,സംഗീത സംവിധായകനുമാണ് സന്തോഷ് വര്‍മ. സ്‌ക്കൂള്‍ കാലഘട്ടം മുതല്‍ക്കു തന്നെ വിവിധ സംഗീതോപകരണങ്ങളില്‍ പരിശീലനം നേടിയ സന്തോഷ് ഏകദേശം പത്ത് വര്‍ഷക്കാലം സ്‌ക്കൂളില്‍ സംഗീത അദ്ധ്യാപകനായി ജോലി ചെയ്തിട്ടുണ്ട്. ആകാശവാണി, ടി വി സീരിയലുകള്‍ എന്നിവയിലൂടെയാണ് ഗാനരചയിതാവുന്നത്. ആകാശവാണിയിലെ യുവവാണിയില്‍ പാട്ടുകള്‍ക്ക് സംഗീതവും നിര്‍വ്വഹിച്ചിരുന്നു. ജയസൂര്യ നായകനായി എത്തിയ ചതിക്കാത്ത ചന്തുവിലെ ഗാനമാണ് സന്തോഷിന്റെതായി ആദ്യമായി പുറത്തിറങ്ങിയ സിനിമ. സാള്‍ട്ട് ആന്റ് പെപ്പര്‍ എന്ന ചിത്രത്തിലെ കാണാമുള്ളാല്‍... ബിഗ് ബിയിലെ വിട പറയുകയാണോ...തുടങ്ങിയ സന്തോഷ് രചിച്ച ഹിറ്റ് ഗാനങ്ങളാണ്. സിനിമാ ഗാനങ്ങള്‍ക്ക് പുറമെ നിരവധി ഭക്തി ഗാനങ്ങളും രചിച്ചിട്ടുണ്ട്.വിശ്വ വിഖ്യാതരായ പയ്യന്മാര്‍,ഡോക്ടര്‍ ഇന്നസെന്റാണ് തുടങ്ങിയവയാണ് സംഗീതം നിര്‍വ്വഹിച്ച ചിത്രങ്ങള്‍. രഞ്ജിത്ത് ശങ്കറിന്റെ സംവിധാനത്തില്‍ 2015ല്‍ പുറത്തിറങ്ങിയ സു സു സുധി വാത്മീകം എന്ന ചിത്രത്തില്‍ ചെറിയ കഥാപാത്രത്തെ അവതരിപ്പിക്കുകയും ചെയ്തിട്ടുണ്ട്.