'ഓർമയുണ്ടോ ഈ ദിവസം?' ഭർത്താവിനോട് ആതിര മാധവ്

ഏഷ്യാനെറ്റിൽ സംപ്രേഷണം ചെയ്യുന്ന കുടുംബവിളക്ക് എന്ന സീരിയലിന്റെ ഭാ​ഗമാണിപ്പോൾ ആതിര മാധവ്. ഏഷ്യാനെറ്റിൽ ഏറ്റവും കൂടുതൽ റേറ്റിങ്ങുമായി മുന്നേറുന്ന പരമ്പര കൂടിയാണ് കുടുംബവിളക്ക്. അനന്യ എന്ന കഥാപാത്രത്തെയാണ് സീരിയലിൽ അനന്യ അവതരിപ്പിക്കുന്നത്. കഴിഞ്ഞ നവംബറിലായിരുന്നു ആതിര മാധവിന്റെ വിവാ​ഹം. ലോക്ക് ഡൗൺ കൊവിഡ് കാലത്ത് നടന്ന വിവാഹമായിരുന്നതിനാൽ അടുത്ത സുഹൃത്തുക്കളും ബന്ധുക്കളും മാത്രമാണ് വിവാഹത്തില്‍ പങ്കെടുത്തത്. രാജീവ് മേനോനാണ് ആതിര മാധവിന്റെ ഭർത്താവ്. ഇന്ന് താരത്തിന്റെ വിവാഹനിശ്ചയം നടന്നതിന്റെ രണ്ടാം വാർഷികമായിരുന്നു. നിശ്ചയത്തിന്റെ ചിത്രങ്ങൾ പങ്കുവെച്ചുള്ള ആതിരയുടെ രസകരമായ സോഷ്യൽമീഡിയ പോസ്റ്റ് ശ്രദ്ധനേടുകയാണ് ഇപ്പോൾ. 'രണ്ട് വർഷമാകുന്നു വിവാഹം നിശ്ചയം കഴിഞ്ഞിട്ട്... ഓർക്കുന്നുണ്ടോ ഈ ദിവസം' എന്ന് ഭർത്താവ് രാജീവിനെ ടാ​ഗ് ചെയ്ത് ചോദിച്ചുകൊണ്ടാണ് ആതിരയുടെ സോഷ്യൽമീഡിയ പോസ്റ്റ്.

ആതിരയുടെ പോസറ്റിന് രസകരമായ കമന്റുകളുമായി പ്രിയതാരത്തിന്റെ ആരാധകരും എത്തിയിരുന്നു. ചിലർ ആശംസകൾ നേരുകയും ചെയ്തു. ഏറെ കാലത്തെ പ്രണയത്തിനൊടുവിലാണ് ആതിരയും ഭര്‍ത്താവ് രാജീവും തമ്മില്‍ വിവാഹിതരായത്. രാജീവ് മേനോന്‍ ഒരു എഞ്ചിനീയറാണ്. ആതിരയും ഒരു എഞ്ചിനീയറിങ് ബിരുദധാരിയാണ്. അഭിനയമോഹം കൊണ്ട് ജോലി ഉപേക്ഷിച്ച് അഭിനയത്തിലേക്ക് ഇറങ്ങിയതാണ്. ഒരു സ്ഥാപനത്തില്‍ ഒരുമിച്ച് ജോലി ചെയ്യാന്‍ എത്തിയപ്പോഴാണ് ഇരുവരും ആദ്യമായി കണ്ടുമുട്ടിയതും പിന്നീട് പ്രണയത്തിലായതും. ആതിരയുടെ വിവാഹത്തിന്റേയും ഹൽദിയുടേയും വീഡിയോകളെല്ലാം സോഷ്യൽമീഡിയയിൽ വൈറലായിരുന്നു.

Recommended Video

സഞ്ജനയ്ക്കും അനന്യയ്ക്കും പ്രതീഷിനും പറയാനുള്ളതെന്ത്

മിനിസ്‌ക്രീന്‍ പ്രേക്ഷകരുടെ ഇഷ്ടപരമ്പരയാണ് കുടുംബവിളക്ക്. റേറ്റിംഗില്‍ എപ്പോഴും മുന്നിലെത്താറുള്ള പരമ്പര സുമിത്ര എന്ന വീട്ടമ്മയുടെ ജീവിതകഥയാണ് പറയുന്നത്. ഭര്‍ത്താവിനാല്‍ ഉപേക്ഷിക്കപ്പെടുകയും വീട്ടില്‍ ഒറ്റപ്പെട്ട ജീവിതം നയിക്കേണ്ടിവരികയും ചെയ്യുന്ന വീട്ടമ്മയാണ് സുമിത്ര. സുമിത്രയുടെ ജീവിതത്തിന്‍റെ ഓരോ വശങ്ങളും പരമ്പര ചര്‍ച്ച ചെയ്യുന്നുണ്ട്. പരമ്പരയിലെ താരങ്ങളെല്ലാം തന്നെ സോഷ്യല്‍മീഡിയയില്‍ സജീവമാണ്. പരമ്പര പ്രേക്ഷകഹൃദയങ്ങളിലേക്ക് ചേക്കേറിയതിന്‍റെ നാനൂറാം എപ്പിസോഡിന്‍റെ ആഘോഷങ്ങളുടെ വീഡിയോകളും താരങ്ങൾ പങ്കുവെച്ചിരുന്നു. തന്മാത്ര അടക്കമുള്ള സീരിയലുകളിലൂടെ ശ്രദ്ധേയയായ മീര വാസുദേവാണ് സീരിയലിലെ സുമിത്ര എന്ന കേന്ദ്ര കഥാപാത്രത്തെ അവതരിപ്പിച്ചിരിക്കുന്നത്. കഴിഞ്ഞ രണ്ടാഴ്ചയായി ഉദ്യോ​ഗഭരിതമായ സംഭവങ്ങളാണ് പരമ്പരയിൽ നടക്കുന്നത്. അതുകൊണ്ട് തന്നെ ഏഷ്യാനെറ്റിലെ മറ്റ് പരമ്പരകളെ പിന്നിലാക്കി റേറ്റിങിൽ ഒന്നാം സ്ഥാനത്താണ് കുടുംബവിളക്ക്. സാന്ത്വനം പരമ്പരയാണ് എപ്പോഴും കുടുംബവിളക്കിന് വെല്ലുവിളിയായി റേറ്റിങ് ചാർട്ടിലുള്ളത്. ഈ രണ്ട് സീരിയലുകളും തമ്മിലാണ് കടുത്ത മത്സരം നടക്കുന്നതും.