കാവേരി

ജീവചരിത്രം:  പ്രശസ്ത തെന്നിന്ത്യന്‍ ചലച്ചിത്ര നടിയാണ് കാവേരി. 1986ല്‍ പുറത്തിറങ്ങിയ അമ്മാനംകിളി എന്ന ചിത്രത്തിലൂടെയായിരുന്നു ചലച്ചിത്രരംഗത്തേക്ക് കടന്നുവരുന്നത്. ചിത്രത്തില്‍ ബാലതാരമായിട്ടാണ് അഭിനയിച്ചത്. ഈ ചിത്രത്തിനുശേഷം കാക്കോത്തിക്കാവിലെ അപ്പൂപ്പന്‍താടികള്‍ എന്ന ചിത്രത്തില്‍ അഭിനയിച്ചു. 1995ല്‍ പുറത്തിറങ്ങിയ ഒരു അഭിഭാഷകന്റെ കേസ് ഡയറി എന്ന ചിത്രത്തിലെ ശ്വേത എന്ന കഥാപാത്രം ഏറെ ശ്രദ്ധിക്കപ്പെട്ടു. പിന്നീടങ്ങോട്ട് നിരവധി ചിത്രങ്ങളില്‍ അഭിനയിച്ചു. ഉദ്യാനപാലകന്‍,കിലുകില്‍ പമ്പരം,മാനസം,വാസന്തിയും ലക്ഷ്മിയും പിന്നെ ഞാനും,തച്ചിലേടത്ത് ചുണ്ടന്‍, എന്നിവ അഭിനയിച്ച മലയാള ചിത്രങ്ങളില്‍ പ്രധാനപ്പെട്ടവയാണ്‌. മലയാളത്തിനു പുറമെ തമിഴ്,തെലുങ്ക്,കന്നട എന്നീ ഭാഷകളിലും അഭിനയിച്ചിട്ടുണ്ട്. അവുനു വല്ലിടാരു ഇസ്ട പടാരു എന്ന തെലുഗു ചിത്രത്തിലൂടെ മികച്ച നടിക്കുള്ള നന്ദി അവാര്‍ഡ് നേടിയിട്ടുണ്ട്.