സിമ്രൻ

ജീവചരിത്രം:  തമിഴ് ചലച്ചിത്ര മേഖലയിലെ ഒരു നടിയാണ് സിമ്രൻ എന്നറിയപ്പെടുന്ന സിമ്രൻ ബഗ്ഗ. 1976-ൽ അശോക് നവലിന്റേയും ശാരദ നവലിന്റെയും മകളായി ഒരു പഞ്ചാബി കുടുംബത്തിൽ ജനിച്ചു. സിമ്രൻ വിവാഹം ചെയ്തിരിക്കുന്നത് ഒരു പൈലറ്റായ ദീപക് ബഗ്ഗയെയാണ്. ഇവർക്ക് 2005-ൽ ഒരു മകൻ ജനിച്ചു. ഇപ്പോൾ ഡെൽഹിയിൽ സ്ഥിരതാമസമാണ്. ഹിന്ദി ചിത്രമായ 'സനം ഹർജായി' എന്ന ചിത്രത്തിലൂടെയാണ് സിമ്രൻ തന്റെ അഭിനയ ജീവിതം ആരംഭിക്കുന്നത്. പക്ഷേ, ഈ ചിത്രം ഒരു പരാജയമായിരുന്നു. പിന്നീട് മലയാളത്തിൽ മമ്മൂട്ടി നായകനായി അഭിനയിച്ച 'ഇന്ദ്രപ്രസ്ഥം' എന്ന ചിത്രത്തിൽ അഭിനയിച്ചു. 1998 മുതൽ 2004 വരെ തമിഴിലെ ഒരു മുൻനിര നടിയായിരുന്നു സിമ്രൻ. അക്കാലത്ത് ഏറ്റവും കൂടുതൽ പ്രതിഫലം പറ്റുന്ന നടിമാരിൽ ഒരാൾ കൂടിയായിരുന്നു സിമ്രൻ. വിവാഹത്തിനു ശേഷം സിമ്രൻ ചലച്ചിത്ര രംഗത്ത് നിന്നും കുറച്ചു കാലത്തേക്ക് വിട്ടുനിന്നു. പഞ്ചാബി, തമിഴ്, ഹിന്ദി എന്നീ ഭാഷകളിൽ സിമ്രൻ പ്രാവീണ്യം നേടിയിട്ടുണ്ട്. കൂടാതെ ഭരതനാട്യം, സാൽ‌സ എന്നീ നൃത്തങ്ങളിലും സിമ്രൻ നന്നായി അവതരിപ്പിക്കും.