വിനായക് ശശികുമാര്‍

ജീവചരിത്രം:  ചലച്ചിത്ര ഗാനരചയിതാവാണ്‌ വിനായക് ശശികുമാര്‍. ശശികുമാർ, ആശാ ശശികുമാർ എന്നിവരാണ് മാതാപിതാക്കൾ. 12ആം വയസിൽ കവിതകൾ എഴുതി തുടങ്ങി. ചെന്നൈയിലേക്ക് താമസം മാറി ലൊയോള കോളേജ്, ചെന്നൈയിൽ ബിരുദം പൂർത്തിയാക്കി. മദ്രാസ് സ്‌കൂൾ ഓഫ് എക്കൊണോമിക്സിൽ നിന്ന് ബിരുദാനന്തര ബിരുദവും എടുത്തിട്ടുണ്ട്.   കുട്ടീം കോലും ആണ് ആദ്യത്തെ സിനിമ. 2013ൽ നീലാകാശം പച്ചകടൽ ചുവന്ന ഭൂമിയ്ക്ക് വേണ്ടി വരികൾ എഴുതി. സമീർ താഹിർ സംവിധാനം ചെയ്ത ചിത്രത്തിലെ ഗാനങ്ങൾ ആണ് വിനായകിന് പ്രശംസ നേടിക്കൊടുത്തത്. അനിൽ രാധാകൃഷ്ണൻ മേനോന്റെ നോർത്ത് 24 കാതം എന്ന സിനിമക്കും അതെ കൊല്ലം വിനായക് വരികൾ എഴുതി. നോർത്ത് 24 കാതത്തിനു ആ കൊല്ലത്തെ മികച്ച മലയാളം സിനിമക്കുള്ള ദേശീയ പുരസ്‌ക്കാരവും, മികച്ച രണ്ടാമത്തെ സിനിമക്കുള്ള കേരളം പുരസ്കാരവും ലഭിച്ചിരുന്നു.ശ്യംധറിന്റെ 7th ഡേയ് എന്ന സിനിമയ്ക്കും അനിൽ രാധാകൃഷ്ണന്റെ തന്നെ സപ്തമശ്രീ തസ്‌ക്കരയ്ക്കും വിനായക് ആണ് വരികൾ എഴുതിയത്.    പുരസ്‌ക്കാരങ്ങള്‍ സൈമ അവാര്‍ഡ് 2019 - ഗാനരചന - (ആരാധികേ- അമ്പിളി)