വിനീത് വാസുദേവന്‍

ജീവചരിത്രം:  പ്രശസ്ത ചലച്ചിത്ര നടനും സംവിധായകനുമാണ്‌ വിനീത് വാസുദേവന്‍. സ്‌ക്കൂള്‍, കോളേജ് വിദ്യാഭ്യാസത്തിനുശേഷം ഫിസാറ്റ് എഞ്ചിനീയറിംഗ് കോളേജില്‍ നിന്നും ബിടെക് ബിരുദം നേടി. എഞ്ചിനീയറിംഗ് പഠനകാലത്താണ് ഷോര്‍ട്ട് ഫിലിം സംവിധാനം ചെയ്യാന്‍ തുടങ്ങിയത്. നിലം, വീഡിയോയുടെ മരണം, വേലി തുടങ്ങിയവ വിനീത് സംവിധാനം ചെയ്ത് നിരൂപക പ്രശംസ നേടിയ ഷോര്‍ട്ട് ഫിലിമുകളാണ്. അള്ള് രാമേന്ദ്രന്‍ എന്ന ചിത്രത്തിന്റെ തിരക്കഥാ രചനയില്‍ പങ്കാളിയായി സിനിമയില്‍ അരങ്ങേറ്റം കുറിച്ചു. തുടര്‍ന്ന് തണ്ണീര്‍ മത്തന്‍ ദിനങ്ങള്‍, സൂപ്പര്‍ ശരണ്യ എന്നീ ചിത്രങ്ങളില്‍ അഭിനയിച്ചു. സൂപ്പര്‍ ശരണ്യയില്‍ അജിത് മേനോന്‍ എന്ന വിനീതിന്റെ കഥാപാത്രം ഏറെ ശ്രദ്ധിക്കപ്പെട്ടിരുന്നു. സ്‌ക്കൂള്‍ കാലം മുതല്‍ ചാക്യാര്‍കൂത്ത് പഠിച്ച വിനീത് ഇതിനോടകം നിരവധി വേദികളില്‍ കൂത്ത് അവതരിപ്പിച്ചിട്ടുണ്ട്.