ജോക്കർ

ലോഹിതദാസ് സംവിധാനം ചെയ്ത മലയാള ചലച്ചിത്രമാണ് ജോക്കർ. ദിലീപ്, മന്യ, നിഷാന്ത്‌ സാഗർ തുടങ്ങിയവരാണ് പ്രധാന കഥാപാത്രങ്ങളെ അവതരിപ്പിക്കുന്നത്. നടൻ ബഹദൂർ അവസാനം അഭിനയിച്ച ചിത്രം കൂടിയാണ് ജോക്കർ. സർക്കസ് കൂടാരത്തിനുള്ളിലെ ആളുകളുടെ ദുരിതങ്ങളുടെ കഥയാണ്‌ ചിത്രം പറയുന്നത്. ബാബു എന്ന കോമാളിയുടെ വേഷമാണ് ദിലീപ് ഈ ചിത്രത്തിൽ ചെയ്യുന്നത്. കമല എന്ന കഥാപാത്രത്തെ മന്യയും, സുധീർ മിശ്ര എന്ന കഥാപാത്രത്തെ നിഷാന്ത്‌ സാഗറും അവതരിപ്പിക്കുന്നു.