'എനിക്ക് അവനും അവന് ഞാനും വളരെ ഇപോർ‌ട്ടന്റാണ്, ബ്രേക്കപ്പെന്ന് തമാശയ്ക്ക് പോലും പറയാറില്ല'; ജിസ്മയും വിമലും

ഇപ്പോൾ പൂർണ്ണമായും അഭിനയത്തിലാണ് ജിസ്മ ശ്രദ്ധകേന്ദ്രീകരിച്ചിരിക്കുന്നത്. ആൺസുഹൃത്ത് വിമൽ കുമാറിനൊപ്പം ചേർന്ന് ഒരു യുട്യൂബ് ചാനലും ജിസ്മ നടത്തുന്നുണ്ട്. നിരവധി സീരിസുകളും കണ്ടന്റുള്ള ഷോർട്ട് വീഡിയോകളും ഇതുവഴി ജിസ്മയും വിമലും പങ്കുവെക്കാറുമുണ്ട്.

ജിസ്മയും വിമലും തന്നെയാണ് സീരിസുകൾക്ക് സ്ക്രിപ്റ്റടക്കമുള്ള എല്ലാ കാര്യങ്ങളും ചെയ്യുന്നതും അഭിനയിക്കുന്നതും. പത്ത് ലക്ഷത്തിന് മുകളിൽ സബ്സ്ക്രൈബേഴ്സിനെ ജിസ്മയും വിമലും യുട്യൂബ് ചാനൽ വഴി സമ്പാദിച്ചിട്ടുണ്ട്.

ഇരുവരും അടുത്തിടെ പുതിയതായി തയ്യാറാക്കി റിലീസ് ചെയ്ത ആദ്യം ജോലി പിന്നെ കല്യാണം സീരിസ് ഇപ്പോൾ സോഷ്യൽമീഡിയയിൽ ട്രെന്റിങാണ്. ജിസ്മയെപ്പോലെ തന്നെ വിമലിനും സിനിമയും അഭിനയവും തന്നെയാണ് താൽപര്യം.

ഏറെ നാളുകളായി പ്രണയത്തിലായ ഇരുവരും ഇപ്പോൾ ജീവിത വിശേഷങ്ങൾ ബിഹൈൻവുഡ്സിന് നൽകിയ അഭിമുഖത്തിൽ പങ്കുവെച്ചിരിക്കുകയാണ്. 'നന്നായി കഷ്ടപ്പെട്ടാണ് ആദ്യം ജോലി പിന്നെ കല്യാണം സീരിസ് ചെയ്തത്. ആളുകൾ സ്വീകരിക്കുമോയെന്ന പേടിയോടെയാണ് എപ്പിസോഡുകൾ അപ്ലോഡ് ചെയ്തത്.'

'വളരെ പരിമിതമായ ആളുകളെ ഉപയോ​ഗിച്ച് കുറഞ്ഞ ബജറ്റിലാണ് സീരിസ് ഒരുക്കിയത്. ഞങ്ങൾ വഴക്കിന്റെ കാര്യത്തിലും കോംപ്രമൈസിന്റെ കാര്യത്തിലും ഒരു ബാലൻസ് ഷീറ്റ് പോലെയാണ്. വർക്കിന്റെ കാര്യത്തിൽ മാത്രമാണ് പിന്നെയും ഞങ്ങൾ വഴക്കിടാറുള്ളത്. വഴക്കിട്ടാലും പെട്ടന്ന് സോൾവ് ചെയ്യും.'

'ഞങ്ങൾ മീറ്റ് ചെയ്യുന്നത് തന്നെ ഫ്രണ്ട്സായിട്ടാണ്. ബ്രേക്കപ്പെന്ന വാക്ക് പരസ്പരം കളിയായിപ്പോലും പറയാറില്ല എന്നതാണ് സത്യം. കാരണം ഒരുപാട് കടമ്പകൾ കടന്നാണ് ഞങ്ങൾ രണ്ടുപേരും ഇവിടെ വരെ എത്തിയത്. അതുകൊണ്ട് തന്നെ എനിക്ക് അവനും അവന് ഞാനും വളരെ ഇപോർ‌ട്ടന്റാണ്. അതുകൊണ്ട് തമാശയ്ക്ക് പോലും ആ വാക്ക് പറയാറില്ല.'

'നല്ല ബ്രേക്കപ്പ് രണ്ടുപേർക്കും കിട്ടിയിട്ടുണ്ട്. വീട്ടുകാരോട് പ്രണയത്തിലാണ് പറഞ്ഞപ്പോൾ അവർ സമ്മതിച്ചു. ഓർത്ത്ഡോക്സ് ഫാമിലിയാണെങ്കിലും അവർ കാര്യം മനസിലാക്കി പിന്തുണച്ചു. വീട്ടുകാർക്ക് നാട്ടുകാർ എന്ത് പറയുമെന്നൊരു ടെൻഷനുണ്ടായിരുന്നു.'

'ഫ്രണ്ട്സിനൊപ്പമാണ് ജിസ്മയെ പെണ്ണ് ചോദിക്കാൻ പോയത്. ഞങ്ങൾ ഹാപ്പിയായി ഇരിക്കണമെന്നാണ് ‍ഞങ്ങളുടെ വീട്ടുകാർക്ക് ആ​ഗ്രഹം. അധികം റൊമാൻസ് കാണിക്കാൻ ‍ഞങ്ങൾക്ക് അവസരം ലഭിക്കാറില്ല. വിവാഹത്തെ കുറിച്ച് പ്ലാൻ ആക്കിയിട്ടില്ല. എല്ലാവരേയും അറിയിച്ചിട്ട് മാത്രമെ വിവാഹിതരാകൂ' ജിസ്മയും വിമലും പറഞ്ഞു.