അഭിഷേക് ബച്ചന്റെ നായികയാവാന്‍ ഐശ്വര്യയില്ല.. ജീവിതത്തിലെ നായകനെ സിനിമയില്‍ വേണ്ടേ?

സഞ്ജയ് ലീലാബന്‍സാലിയുടെ പുതിയ ചിത്രം

പത്മാവതിക്ക് ശേഷം സഞ്ജയ് ലീലാബന്‍സാലി ഒരുക്കുന്ന ചിത്രത്തില്‍ അഭിഷേക് ബച്ചനാണ് നായകനായെത്തുന്നത്. അമൃത പ്രീതം-സാഹിര്‍ ലുധിയാന്‍വിയെക്കുറിച്ചാണ് ചിത്രം പറയുന്നത്.

പ്രിയങ്ക ചോപ്ര വിസമ്മതിച്ചു

അഭിഷേകിന്റെ നായികയാവുന്നതിനായി സംവിധായകന്‍ ആദ്യം പരിഗണിച്ചിരുന്നത് പ്രിയങ്ക ചോപ്രയെയായിരുന്നു. എന്നാല്‍ താരം ഇതിന് വിസമ്മതിച്ചതോടെയാണ് ഐശ്വര്യയെ സമീപിച്ചത്.

ഐശ്വര്യയ്ക്ക് താല്‍പര്യമില്ല

സാഹിത്യകാരിയായ അമൃത പ്രീതത്തെ അവതരിപ്പിക്കാന്‍ ഐശ്വര്യയ്ക്കും താല്‍പര്യമില്ലെന്ന് വന്നതോടെയാണ് അഭിഷേകിന്റെ നായികയായി ദീപിക പദുക്കോണിനെ പരിഗണിച്ചത്.

ദീപിക സമ്മതിച്ചു

സഞ്ജയ് ലീലാബന്‍സാലിക്കൊപ്പമുള്ള നാലാമത്തെ ചിത്രമാണ് ഇത്. അഭിഷേക് ബച്ചന്റെ നായികയായി അഭിനയിക്കാന്‍ ദീപിക സമ്മതിച്ചുവെന്നുള്ള റിപ്പോര്‍ട്ടുകളാണ് ഒടുവിലായി പുറത്തുവന്നിട്ടുള്ളത്.

അഭിഷേക് ബച്ചന്‍ തയ്യാറെടുപ്പുകള്‍ തുടങ്ങി

പുതിയ സിനിമയില്‍ അഭിനയിക്കുന്നതിന് മുന്നോടിയായുള്ള തയ്യാറെടുപ്പുകളിലാണ് അഭിഷേക് ബച്ചന്‍. മുന്‍പ് ഈ സിനിമയില്‍ നായകനായി പരിഗണിച്ചിരുന്നത് ഷാരൂഖ് ഖാനെയായിരുന്നു. എന്നാല്‍ സമയക്കുറവ് കാരണം അദ്ദേഹം ചിത്രം ഏറ്റെടുത്തില്ല.

ഐശ്വര്യയുടെ പിന്‍മാറ്റത്തിന് കാരണം

ഫെന്നി ഖാന്‍ ചിത്രത്തില്‍ അഭിനയിക്കുന്നതിനുള്ള തയ്യാറെടുപ്പിലാണ് താരം ഇപ്പോള്‍. ചെറിയ ഇടവേളയ്ക്ക് ശേഷം സിനിമയില്‍ സജീവമാവുന്ന താരത്തിന് നിരവധി അവസരങ്ങളാണ് ലഭിച്ചുകൊണ്ടിരിക്കുന്നത്.