പ്രിയങ്ക ഇനി നിക്കിന് സ്വന്തം! രഹസ്യ എന്‍ഗേജ്‌മെന്റിനിടയിലെ ചിത്രങ്ങള്‍ ലീക്കായി, കാണൂ!

എന്‍ഗേജ്‌മെന്റ് ചിത്രം ലീക്കായി

താന്‍ വിവാഹിതയാവുമ്പോള്‍ അക്കാര്യത്തെക്കുറിച്ച് ആരാധകരെ അറിയിക്കുമെന്ന് താരം നേരത്തെ പറഞ്ഞിരുന്നു. എന്നാല്‍ നിശ്ചയ ചടങ്ങുകള്‍ അതീവ രഹസ്യമാക്കി വെച്ചിരിക്കുകയായിരുന്നു അവസാന നിമിഷം മുന്‍പ് വരെ. അടുത്ത സുഹൃത്തുക്കളും കുടുംബാംഗങ്ങളുമൊക്കെ താരത്തിന് ആശംസ നേരാന്‍ നേരിട്ടെത്തിയിരുന്നു. സുഹൃത്തുക്കള്‍ക്കായി നിക്കും പ്രിയങ്കയും പാര്‍ട്ടി ഒരുക്കിയിട്ടുണ്ട്. അതിനിടയിലാണ് ഇവരുടെ എന്‍ഗേജ്‌മെന്റ് ചിത്രം ലീക്കായത്.

ചടങ്ങുകള്‍ കഴിഞ്ഞോ?

താരത്തിന്റെ എന്‍ഗേജ്‌മെന്റ് ചടങ്ങുകള്‍ കഴിഞ്ഞുവെന്നുള്ള റിപ്പോര്‍ട്ടുകളാണ് ഇപ്പോള്‍ പുറത്തുവന്നിട്ടുള്ളത്. നിക്കിനെ ജീവിത പങ്കാളിയാക്കുന്നതിനെക്കുറിച്ച് പ്രിയങ്ക ഔദ്യോഗികമായി അറിയിച്ചിരിക്കുകയാണ് ഇപ്പോള്‍. നിക്കിന്റെ കുടുംബാംഗങ്ങള്‍ ചടങ്ങില്‍ പങ്കെടുക്കുന്നതിനായി എത്തിയിരുന്നു. ചടങ്ങുകള്‍ കഴിഞ്ഞതിന് പിന്നാലെ തന്നെ മധുരവിതരണവും നടത്തിയിരുന്നുെവന്നും റിപ്പോര്‍ട്ടുകളുണ്ട്.

അതീവ സുന്ദരിയായി പ്രിയങ്ക

ട്രഡീഷണല്‍ എത്‌നിക്ക് വെയറിലാണ് പ്രിയങ്ക പ്രത്യക്ഷപ്പെട്ടത്. മഞ്ഞ നിറത്തിലുള്ള വസ്ത്രം ധരിച്ച് പ്രിയങ്കയെത്തിയപ്പോള്‍ നിക്ക് വെളുത്ത വസ്ത്രമായിരുന്നു അണിഞ്ഞത്. ഇവര്‍ക്കിടയിലെ പ്രായവ്യത്യാസത്തെക്കുറിച്ച് നേരത്തെ തന്നെ വിമര്‍ശനങ്ങള്‍ ഉയര്‍ന്നുവന്നിരുന്നു. ഗോസിപ്പ് കോളങ്ങളില്‍ സ്ഥിരമായി നിറഞ്ഞുനിന്ന ജോഡികള്‍ കൂടിയാണ് ഇവര്‍.