നാല് വർഷം തുടർച്ചയായി 28 വയസ്, 30ാം പിറന്നാളിന് 25 എന്ന് എഴുതിയ കേക്ക്, കള്ളം പറഞ്ഞതിനെ കുറിച്ച് നടി

ഭൂരിഭാഗം താരങ്ങൾക്കും തങ്ങളുടെ വയസ് വെളിപ്പെടുത്താൻ ബുദ്ധിമുട്ടാണ്.പ്രായത്തിന്റെ പലപ്പോഴും നുണ പറയാറുമുണ്ട്. അത്തരത്തിൽ കള്ളം പറഞ്ഞിരുന്ന ഒരു വ്യക്തിയായിരുന്നു താനുമെന്ന് സ്വര ഭാസ്ക്കർ. സ്വന്തമായി ഒരുപ്രായം തന്നെ ഉണ്ടാക്കുകയായിരുന്നു. ശേഷം അത് എല്ലാവരോടും പറയുമായിരുന്നു. ചിരിച്ച് കൊണ്ടാണ് നടി ഇക്കാര്യം അഭിമുഖത്തിൽ പറഞ്ഞത്. നാല് വർഷം തുടർച്ചായയി തന്റെ പ്രായം 28 വയസ്സായിരുന്നു എന്നും സ്വര കൂട്ടിച്ചേർത്തു.

നാല് വർഷം തുടർച്ചായയി എല്ലാവരോടും താൻ പറഞ്ഞിരുന്നത് തന്റെ പ്രായം28 വയസ്സ് ആണ് എന്നാണ്. ആർക്കും അത് മനസ്സിലായതുമില്ല. മുപ്പതാം പിറന്നാളിന് കേക്ക് മുറിച്ചപ്പോൾ അതിൽ 25 വയസ്സ് എന്നാണ് എഴുതിയിരുന്നത്. എന്നാൽ പിന്നീട് എല്ലാവരോടും യഥാർഥ സത്യം തുറന്നു പറയുകയായിരുന്നു. നുണ തിരുത്തി പറഞ്ഞതിനെ കുറിച്ച് എല്ലാവരും തന്നോട് ചോദിക്കുകയും ചെയ്തിരുന്നു. എല്ലാവരോടും സത്യം പറയുമായിരുന്നെങ്കിൽ പിന്നെന്തിന് ഇതൊക്കെ ചെയ്തു എന്നായിരുന്നു എല്ലാവരും ചോദിച്ചത്.

നുണ തിരുത്തി പറഞ്ഞതിന് ശേഷം എല്ലാവരും തന്നോട് ചോദിക്കുമായിരുന്നു, സത്യം പറയുമായിരുന്നെങ്കിൽ പിന്നെന്തിന് ഇതൊക്കെ ചെയ്തതെന്ന്. നേരാംവണ്ണം നുണയെങ്കിലും പറയാൻ ശ്രമിക്കൂ എന്നായിരുന്നു സുഹൃത്തുക്കൾ തന്നോട് അന്ന് പറഞ്ഞത്- സ്വര അഭിമുഖത്തിൽ പറഞ്ഞു. 32 വയസ്സുകാരിയായ സ്വര ദില്ലിയിലാണ് ജനിച്ചത്. ഏപ്രിൽ 9 നാണ് താരത്തിന്റെ പിറന്നാൾ. ഉദയ് ഭാസ്കർ ഈറ ഭാസ്ക്കർ ദമ്പതിമാരുടെ മകളാണ് സ്വര.

Aamis (The Ravening) Movie Review In Malayalam : Filmibeat Malayalam

ബോളിവുഡിൽ നിലപാടുകൾ തുറന്നു പറഞ്ഞതിന്റെ പേരിൽ ഏറെ വിവാദങ്ങൾ നേരിട്ട നടിയാണ് സ്വര.നടി റിയ ചക്രബർത്തിക്കൊപ്പം പരസ്യമായി നിന്നിരുന്നു. റിയയ്ക്കെതിരെ കടുത്ത ആക്രമണവും മാധ്യമവിചാരണയുമാണ് നടക്കുന്നതെന്ന് സ്വര ഭാസ്കർ തുറന്നടിച്ചിരുന്നു. സിനിമയ്ക്ക് അപ്പുറത്തേയ്ക്ക് സമൂഹിക വിഷയങ്ങളിലും തന്റെ നിലപാട് തുറന്ന് അടിച്ച് നടി രംഗത്തെത്താറുണ്ട്. അയോധ്യ വിധിയുമായി ബന്ധപ്പെട്ട് സുപ്രീംകോടതി വിധിയിൽ തന്റെ അഭിപ്രായം തുറന്ന് അടിച്ച് താരം രംഗത്തെത്തിയിരുന്നു. കരീന കപൂർ, സോനം കപൂർ എന്നിവർക്കൊപ്പം വീരേ ഡീ വെഡ്ഡിങ്ങാണ് സ്വര ഭാസ്കറിന്റെ അവസാനം പുറത്തിറങ്ങിയ ചിത്രം. നെറ്റ്ഫ്ലിക്സിൽ പുറത്തിറങ്ങാനുള്ള ബാഗ് ബീനി ബാഗ് ആണ് പുതിയ ചിത്രം.