'പ്രണയത്തിലാണ്....'; ഭാവി വരനെ ലൈവായി ഫോൺ വിളിച്ച് ശ്രീവിദ്യ മുല്ലച്ചേരി, വിവാഹത്തെ കുറിച്ചും താരം!

കല്യാണം എന്നാണെന്ന നിരവധി ചോദ്യങ്ങൾ വന്നിട്ടുണ്ടെന്നും അതിന്റെ വിശേഷങ്ങൾ പങ്കുവെക്കണോയെന്നും ഭാവിവരനോട് ഫോൺ കോളിലൂടെ ശ്രീവിദ്യ ചോദിക്കുന്നതും പുതിയതായി പങ്കുവെച്ച വീഡിയോയിൽ കാണാം. സംവിധായകനായ രാഹുൽ രാമചന്ദ്രനാണ് ശ്രീവിദ്യയുടെ ഭാവി വരൻ.

രാഹുലുമൊത്തുള്ള ചിത്രങ്ങൾ മുമ്പ് പലപ്പോഴായി ശ്രീവിദ്യ സോഷ്യൽമീഡിയയിൽ പങ്കുവെച്ചിട്ടുണ്ട്. നടൻ സുരേഷ് ​ഗോപിയുടെ 251-ാമത്തെ ചിത്രം സംവിധാനം ചെയ്യുന്നത് രാഹുൽ രാമചന്ദ്രനാണ്.

ഇതുവരെ ടൈറ്റിൽ വെളിപ്പെടുത്തിയിട്ടില്ലാത്ത സിനിമയുടെ ഫസ്റ്റ്ലുക്ക് വൈറലായിരുന്നു. 2016ൽ പുറത്തിറങ്ങിയ കാംപസ് ഡയറി എന്ന സിനിമയിലൂടെയാണ് ശ്രീവിദ്യ മുല്ലച്ചേരി അഭിനയത്തിലേക്ക് എത്തിയത്.

പിന്നീട് ഒരു കുട്ടനാടൻ ബ്ലോ​ഗ് എന്ന മമ്മൂട്ടി ചിത്രത്തിലും ശ്രദ്ധേയമായ വേഷം ചെയ്തു. ഒരു പഴയ ബോംബ് കഥ, മാഫിഡോണ, നൈറ്റ് ഡ്രൈവ്, എസ്കേപ്പ്, സത്യം മാത്രമെ ബോധിപ്പിക്കൂ എന്നിവയാണ് ശ്രീവിദ്യ അഭിനനയിച്ച് തിയേറ്ററുകളിലെത്തിയ മറ്റ് സിനിമകൾ.

Also Read: 'മമ്മൂക്കയുടേയും കമൽഹാസന്റേയും കൂടെ അഭിനയക്കണമെന്നാണ് ആ​ഗ്രഹം, ചുരുണ്ട മുടി ആരോ​ഗ്യത്തിനും പ്രശ്നമായി'; മെറീന

കാസർ​ഗോഡുകാരിയായ ശ്രീവിദ്യ ബിഹൈൻവുഡ്സിന്റെ ജസ്റ്റ് മാരീഡ് തിങ്സെന്ന വെബ്സീരിസിൽ നായിക വേഷവും ചെയ്തിരുന്നു. സ്‌കൂളിലും കോളജിലും മോണോ ആക്ട്, കഥാപ്രസംഗം, നാടകം തുടങ്ങിയ പരിപാടികളിലെല്ലാം സജീവമായിരുന്നു ശ്രീവിദ്യ.

നാട്ടില്‍ കേരളോത്സവത്തിന് യൂത്ത് ക്ലബ് പെരുമ്പളയെ പ്രതിനിധീകരിച്ചും വിവിധ മത്സരങ്ങളില്‍ പങ്കെടുത്തിട്ടുണ്ട്. 'സ്റ്റാർ മാജിക്ക് കണ്ട് പലരും എന്നോട് പറയുന്ന കാര്യമാണ് പഴയ ശ്രീവിദ്യയെ ഷോയിൽ മിസ് ചെയ്യുന്നുവെന്നത്. സ്റ്റാർ മാജിക്കിലെ എന്റെ പെരുമാറ്റങ്ങളിൽ വ്യത്യാസം വന്നതായും പലരും പറഞ്ഞ് ഞാൻ കേട്ടു.'

'ഒരുപാട് പേർ ഇതേ കുറിച്ച് ചോദിക്കുകയും ചെയ്തിരുന്നു. ഞാൻ ഒതുങ്ങിയിരുന്നിട്ടില്ല. സ്റ്റാർ മാജിക്കിൽ യാതൊരു വിധ പ്രശ്നങ്ങളുമില്ല. പഴയ ശ്രീവിദ്യയാകാൻ പരമാവധി ശ്രമിക്കാം. പക്ഷെ ആളുകൾ എന്താണ് അങ്ങനെ ചോദിക്കുന്നതെന്ന് എനിക്കറിയില്ല.'

'എന്റെ ചേട്ടൻ എനിക്ക് അച്ഛനെപ്പോലെയാണ്. എല്ലാ കാര്യങ്ങളിലും സപ്പോർട്ടാണ്. ഞാൻ വീട്ടിലില്ലെങ്കിലും അമ്മയ്ക്ക് എന്നെ മിസ് ചെയ്യില്ല കാരണം എന്റെ വേറൊരു വേർഷനാണ് എന്റെ ഏട്ടത്തിയമ്മ. ജസ്റ്റ് മാരീഡ് തിങ്സിന്റെ പുതിയ സീസൺ ഉടനെ വരും. ഡേറ്റ് പ്രശ്നം കാരണം ഷൂട്ട് വൈകിയതാണ്.'

'എന്റെ ഭാവി വരനെ കുറിച്ചുള്ള എല്ലാ വിശേഷങ്ങളും നിങ്ങളോട് പങ്കുവെക്കണമെന്നുണ്ട്. അദ്ദേഹം കാമറയ്ക്ക് മുന്നിൽ വരാൻ വളരെ അധികം മടിയുള്ള ഒരാളാണ്.'

'പക്ഷെ ഞാൻ വൈകാതെ അദ്ദേഹത്തേയും ഉൾപ്പെടുത്തി വീഡിയോ ചെയ്യും. അന്ന് കൂടുതൽ വിശേഷങ്ങൾ പങ്കുവെക്കുന്നതായിരിക്കും' ശ്രീവിദ്യ പുതിയ വീഡിയോയിൽ വ്യക്തമാക്കി.