ദീപികയ്ക്കും രൺവീറിനും കുട്ടികളുണ്ടാവുമ്പോൾ...; താര ദമ്പതികളെക്കുറിച്ച് രൺബീർ പറഞ്ഞത്

കരിയറിനൊപ്പം തന്നെ രൺവീറിന്റെയും ദീപികയുടെയും വ്യക്തി ജീവിതവും എപ്പോഴും വാർത്തകളിൽ നിറയാറുണ്ട്. ഇരുവരുടെ മുൻകാല പ്രണയങ്ങളും ​ഗോസിപ്പ് കോളങ്ങളിലെ വിഷയം ആവാറുണ്ട്. നടി അനുഷ്ക ശർമ്മയും രൺവീർ സിം​ഗും സിനിമയിലെ തുടക്കകാലത്ത് ഡേറ്റിം​ഗിലായിരുന്നെന്ന് നേരത്തെ റിപ്പോർട്ടുകൾ ഉണ്ടായിരുന്നു. ദീപിക പദുകോണും രൺബീർ കപൂറും തമ്മിലുള്ള പ്രണയവും വലിയ തോതിൽ ചർച്ചയായിരുന്നു. 2007 ലാണ് ദീപികയും രൺബീറും പ്രണയത്തിലാവുന്നത്. എന്നാൽ രണ്ട് വർഷത്തിനുള്ളിലിൽ ഇരുവരും വേർപിരിഞ്ഞു.

ഇതിനു ശേഷമാണ് ദീപിക രൺവീർ സിം​ഗുമായി പ്രണയത്തിലാവുന്നതും 2018 ൽ വിവാ​​ഹം കഴിക്കുന്നതും. ദീപികയുടെ മുൻ കാമുകനാണെങ്കിലും രൺവീറും രൺബീറും തമ്മിൽ ഇതിന്റെ പേരിൽ അകൽച്ചയില്ല. ഇരുവരും നല്ല സുഹൃത്തുക്കളുമാണ്.

കോഫി വിത്ത് കരണിന്റെ മുൻ സീസണുകളിലൊന്നിൽ രൺവീർ സിം​ഗും രൺബീർ കപൂറും അതിഥികൾ ആയി എത്തിയിരുന്നു. അന്ന് നിങ്ങൾ തമ്മിൽ ദീപികയുടെ പേരിൽ അകൽച്ചയില്ലേ എന്ന് കരൺ ജോഹർ ചോദിക്കുകയും ചെയ്തു. ഒരു പ്രശ്നവുമില്ലെന്ന് രൺവീർ സിം​ഗ് മറുപടി നൽകി. രൺബീർ കപൂർ രസകരമായ മറുപടിയാണ് ഈ ചോദ്യത്തിന് നൽകിയത്.

സ്ക്രീനിൽ അവർക്ക് അതിശയകരമായ ക്രിയാത്മ പങ്കാളിത്തം ഉണ്ടെന്ന് ഞാൻ കരുതുന്നു. അവർ സ്വയം എങ്ങനെയാണോ അങ്ങനെ തന്നെയാണ് പരസ്പരം ഇടപഴകുന്നതും. അവർ തമ്മിൽ നല്ല ചേർച്ചയാണ്. രണ്ട് പേരും തമ്മിൽ നല്ല ഊർജമാണ്. അവർക്കൊരുമിച്ച് കുട്ടികൾ ഉണ്ടാവുമെന്ന് ഞാൻ കരുതുന്നു. ആ കുഞ്ഞുങ്ങൾക്ക് എന്നെ ഇഷ്ടമാവുമെന്നും ഞാൻ അവരുടെ പ്രിയപ്പെട്ട നടനാവുമെന്നും പ്രതീക്ഷിക്കുന്നു, രൺബീർ കപൂർ പറഞ്ഞു.

Recommended Video

ബോളിവുഡ് താര ദമ്പതികളും, പ്രണയ കഥയും | FilmiBeat Malayalam

അതേസമയം രൺവീറിനേക്കാൾ മുമ്പ് അച്ഛനാവാൻ പോവുകയാണ് രൺബീർ കപൂർ. നടന്റെ ഭാര്യ നടി ആലിയ ഭട്ട് ​ഗർഭിണിയാണ്. ദീപികയുമായി പിരിഞ്ഞ ശേഷം നടി കത്രീന കൈഫുമായി പ്രണയത്തിലായിരുന്നു രൺബീർ. ആറ് വർഷത്തിലേറെ നീണ്ട ഈ ബന്ധം അവസാനിച്ച ശേഷമാണ് രൺബീർ ആലിയ ഭട്ടുമായി പ്രണയത്തിലാവുന്നത്. ഈ വർഷം ഏപ്രിൽ മാസമാണ് ഇരുവരും വിവാഹിതർ ആയത്.