മഞ്ജു പിള്ള

ജീവചരിത്രം:  മലയാളത്തിലെ പ്രശസ്ത ടെലിവിഷന്‍-ചലച്ചിത്ര അഭിനേത്രിയാണ് മഞ്ജു പിള്ള. എസ് പി പിള്ളയുടെ പേരമകളാണ്. സ്‌ക്കൂളില്‍ പഠിക്കുന്ന കാലത്ത് നാടകങ്ങളില്‍ സജീവമായിരുന്നു. പത്താം ക്ലാസില്‍ പഠിക്കുമ്പോള്‍ പ്രശസ്ത നാടക കര്‍ത്താവായ സൂര്യ കൃഷ്ണമൂര്‍ത്തിയുടെ സത്രീ പര്‍വം എന്ന നാടകത്തില്‍ അഭിനയിച്ചു. നാടകങ്ങളിലൂടെ സീരിയല്‍ രംഗത്തേക്ക് കടന്നു.സത്യവും മിഥ്യയും എന്ന സീരിയലില്‍ ആണ് ആദ്യമായി അഭിനയിക്കുന്നത്.   ചില കുടുംബചിത്രങ്ങള്‍,ലൈഫ് ഈസ് ബ്യൂട്ടിഫുള്‍ എന്നീ ടെലിവിഷന്‍ പരമ്പരകളില്‍ മഞ്ജു അവതരിപ്പിച്ച കഥാപാത്രങ്ങള്‍ ഏറെ ശ്രദ്ധിക്കപ്പെട്ടു. തുടര്‍ന്നങ്ങോട്ട് നിരവധി ടെലിവിഷന്‍ പരമ്പരകളില്‍ സജീവമായി. മഴവില്‍ മനോരമയില്‍ സംപ്രേഷണം ചെയ്ത തട്ടീം മുട്ടീം എന്ന പരമ്പരയിലെ കഥാപാത്രം മഞ്ജുവിന്റെ കരിയറിലെ മികച്ച കഥാപാത്രങ്ങളിലൊന്നാണ്. കളിയച്ഛന്‍,നാല് പെണ്ണുങ്ങള്‍,മിസ്റ്റര്‍ ബട്ട്‌ലര്‍,ഇരട്ടക്കുട്ടികളുടെ അച്ഛന്‍,ജനാധിപത്യം തുടങ്ങി നിരവധി ചിത്രങ്ങളിലും അഭിനയിച്ചിട്ടുണ്ട്.