ഔസേപ്പച്ചൻ

ജീവചരിത്രം:  കേരളത്തിലെ പ്രമുഖ സംഗീത സംവിധായകനാണ് ഔസേപ്പച്ചൻ. നിരവധി മലയാള ചിത്രങ്ങൾക്ക് സംഗീതം പകർന്ന അദ്ദേഹത്തിന് മികച്ച സംഗീത സംവിധായകനുള്ള ദേശീയ സംസ്ഥാന പുരസ്കാരങ്ങൾ ലഭിച്ചിട്ടുണ്ട്. 'ഈണം' എന്ന ചിത്രത്തിന് വേണ്ടി പശ്ചാത്തല സംഗീതം ഒരുക്കിക്കൊണ്ടായിരുന്നു അദ്ദേഹത്തിന്റെ തുടക്കം. തുടർന്ന് 1985-ൽ ഭരതന്റെ 'കാതോട് കാതോരം' എന്ന ചിത്രത്തിലൂടെ സ്വതന്ത്ര സംഗീത സം‌വിധായകനായി. 'ഉണ്ണികളേ ഒരു കഥ പറയാം' (1987) എന്ന ചിത്രത്തിനാണ് മികച്ച സംഗീത സം‌വിധായകനുള്ള കേരള സംസ്ഥാന ചലചിത്ര പുരസ്കാരവും അദ്ദേഹത്തിന് ലഭിച്ചത്. പിന്നീട് 2007-ൽ ഏറ്റവും മികച്ച സംഗീത സംവിധായകനുള്ള ദേശീയ പുരസ്കാരവും സ്വന്തമാക്കി. ശ്യാമപ്രസാദ് സം‌വിധാനം ചെയ്ത 'ഒരേ കടൽ' എന്ന ചിത്രത്തിലെ ഈണത്തിനായിരുന്നു പുരസ്സ്ക്കാരം.