രാജേഷ് മുരുകേശൻ

ജീവചരിത്രം:  സംഗീതസംവിധായകാനാണ് രാജേഷ് മുരുകേശന്‍. 1988 മെയ് 14ന് തൃപ്പൂണിത്തുറയില്‍ ജനനം. കൊച്ചിന്‍ റിഫൈനറീസ് വിദ്യാലയത്തില്‍ നിന്നും സ്‌കൂള്‍ വിദ്യാഭ്യാസവും, ചെന്നൈയിലെ എസ്.എ.ഇ ഇന്റര്‍നാഷണല്‍ കോളേജില്‍ നിന്നും ബിരുദവും നേടി. സംഗീത ജീവിതത്തിനു തുടക്കം കുറിച്ചത് അല്‍ഫോന്‍സ് പുത്രന്‍ സംവിധാനം ചെയ്ത നേരം എന്ന തമിഴ്, മലയാളം  ദ്വിഭാഷ ചിത്രത്തിലൂടെയാണ്. നേരത്തിലെ പിസ്ത ദി റണ്‍ ആന്തം എന്ന പാട്ട് 2013ല്‍ വൈറല്‍ ആയിരുന്നു. ഈ പാട്ട് രാജേഷ് മുരുകേശനെ സിനിമാലോകത്ത് ശ്രദ്ധേയനാക്കി. 2015ല്‍  അല്‍ഫോന്‍സ് പുത്രന്‍ തന്നെ സംവിധാനം ചെയ്ത പ്രേമം എന്ന ചിത്രത്തിലും രാജേഷ് സംഗീത സംവിധായകനായി പ്രവര്‍ത്തിച്ചു. ഈ സിനിമയിലെ എല്ലാ ഗാനങ്ങളും ജനശ്രദ്ധ പിടിച്ചു പറ്റി. 'മലരേ' എന്ന ഗാനം യൂട്യൂബില്‍  5 ലക്ഷം പേരാണ് കണ്ടത്. കട്ടന്‍  കാപ്പി, ദി റാറ്റ് എ  സെക്‌സി ടെയില്‍, വിന്‍ഡ്, ബ്ലാക്ക് ആന്‍ഡ് വൈറ്റ്, റെഗ് വീ എന്നീ ലഘുചിത്രങ്ങള്‍ സംവിധാനം ചെയ്തു.