ഉണ്ണി രാജ

ജീവചരിത്രം:  പ്രശസ്ത ചലച്ചിത്ര നടനാണ് ഉണ്ണിരാജ. കാസര്‍കോട് ജില്ലയിലെ ചെറുവത്തൂര്‍ സ്വദേശിയാണ്. സ്‌ക്കൂള്‍ കാലഘട്ടം മുതതല്‍ക്കുതന്നെ അഭിനയരംഗത്ത് സജീവമായിരുന്നു ഉണ്ണി. സ്‌ക്കൂള്‍ കലോത്സവങ്ങള്‍ക്കായി നാടകം, മോണോആക്റ്റ് എന്നീ ഇനങ്ങളില്‍ കുട്ടികള്‍ക്ക് പരിശീലനവും നല്‍കിയിരുന്നു. മഴവില്‍ മനോരമയില്‍ സംപ്രേഷണം ചെയ്ത 'മറിമായം' എന്ന ടെലിവിഷന്‍ പരിപാടിയിലൂടെയാണ് ശ്രദ്ധിക്കപ്പെടുന്നത്. തുടര്‍ന്ന് 'ഞാന്‍' എന്ന ചിത്രത്തിലൂടെ സിനിമയിലും അരങ്ങേറ്റം കുറിച്ചു.   പിന്നീട് 2017ല്‍ പുറത്തിറങ്ങിയ 'തൊണ്ടിമുതലും ദൃക്‌സാക്ഷിയും' എന്ന ചിത്രത്തിലെ കഥാപാത്രത്തിലൂടെ ഉണ്ണിയെ തേടി നിരവധി  കഥാപാത്രങ്ങള്‍ തേടിയെത്തി. 2021ല്‍ പുറത്തിറങ്ങിയ 'ഓപ്പറേഷന്‍ ജാവ' എന്ന ചിത്രത്തിലെ 'അഖിലേഷേട്ടന്‍' എന്ന കഥാപാത്രം ഏറെ ശ്രദ്ധിക്കപ്പെട്ടിരുന്നു.