വിജയ്‌ മേനോൻ

ജീവചരിത്രം:  അഭിനേതാവ്, സംവിധായകന്‍ എന്നീ നിലകളില്‍ പ്രശസ്തനാണ് വിജയ് മേനോന്‍.1986ല്‍ പ്രേം നസീര്‍, ഭരത് ഗോപി, എം ജി സോമന്‍ എന്നിവരെ കേന്ദ്രകഥാപാത്രങ്ങളാക്കി നിലാവിന്റെ നാട്ടില്‍ എന്ന ചിത്രം സംവിധാനം ചെയ്തു.2017ല്‍  വിളക്കുമരം എന്ന ചിത്രം തിരക്കഥയെഴുതി സംവിധാനം ചെയ്തു.അധ്യാപികയും കുട്ടികളും തമ്മിലുള്ള ആത്മബന്ധത്തിന്റെ കഥ പറഞ്ഞ ചിത്രത്തില്‍ ഭാവന, മനോജ് കെ ജയന്‍, സുരാജ് വെഞ്ഞാറാമൂട്, വിനോദ് കുമാര്‍ എന്നിവരായിരുന്നു പ്രധാന അഭിനേതാക്കള്‍.സംവിധാനത്തിനുപുറമെ നിരവധി ചിത്രങ്ങളിലും വിജയ് മേനോന്‍ അഭിനയിച്ചിട്ടുണ്ട്.തനിയെ, പച്ചമരത്തണലില്‍, സ്പിരിറ്റ്, നിദ്ര, ബാങ്കിള്‍സ്, സക്കറിയിയുടെ ഗര്‍ഭിണികള്‍, മിത്രം, സെക്കന്‍സ്, വീരപുത്രന്‍, ഹേയ് ജൂഡ് എന്നിവ അഭിനയിച്ച ചിത്രങ്ങളില്‍  പ്രധാനപെട്ടവയാണ്.