'തന്റെ സുഹൃത്തുക്കളത്ര മാന്യന്മാരല്ലെന്ന് അവൾക്ക് മനസിലായി'; റോബിനെ ജാസ്മിൻ കെട്ടിപിടിച്ചതിനെ കുറിച്ച് ബ്ലസ്ലി

റോബിന്റെ ചെറിയ പിഴവ് പോലും ജാസ്മിൻ‌ വലുതാക്കി കാണിക്കുകയും പുതിയ പ്രശ്നങ്ങൾക്ക് വഴിവെക്കുകയും ചെയ്തിരുന്നു. അതേസമയം ജാസ്മിൻ എന്തിനാണ് മനസ് മാറി റോബിനോട് സൗഹൃദം ആരംഭിക്കാമെന്ന് തീരുമാനിച്ചത് എന്നതിന്റെ കാരണം ആർക്കും പിടികിട്ടിയിട്ടില്ല.

പക്ഷെ വീട്ടിലെ മറ്റൊരു മത്സരാർഥിയായ ബ്ലസ്ലി അതിന്റെ കാരണം കണ്ടെത്തിയിരിക്കുകയാണ് ഇപ്പോൾ. സംഭവത്തിന് ശേഷം ​ഗാർഡൻ ഏരിയയിൽ ഇരുന്ന് അപർണയോട് സംസാരിക്കവെയാണ് ജാസ്മിന്റെ മനം മാറ്റത്തിന് പിന്നിലെ കാരണത്തെ കുറിച്ച് ബ്ലസ്ലി വെളിപ്പെടുത്തിയത്.

തന്റെ നീരിക്ഷണത്തിൽ തോന്നിയതാണെന്നും ബ്ലസ്ലി പറയുന്നു.

'ജാസ്മിനും റോബിനും ഒന്നായി. നീ കണ്ടില്ലേ? സീൻ... ജാസ്മിൻ ഇത്രയും നാൾ കരുതിയിരുന്നത് ഡോ.റോബിൻ മാത്രമാണ് അൺ എത്തിക്കലായി ​ഗെയിം കളിക്കുകയും മറ്റുള്ള മത്സരാർഥികളോട് പെരുമാറുകയും ചെയ്യുന്നുള്ളൂവെന്നാണ്.'

'പക്ഷെ ഡോക്ടർ റോബിൻ മാത്രമല്ല... എല്ലാവരും അൺ എത്തിക്കലായിട്ടാണ് മുന്നോട്ട് പോകുന്നത്.... ഞാനുൾപ്പടെ... അത് അവൾക്ക് മനസിലായി. അതുകൊണ്ടാണ് അവൾ ഡോക്ടർ റോബിനെ കെട്ടിപിടിച്ചത്. കാരണം എന്തിനാണ് ഡോക്ടറെ മാത്രം കുറ്റം പറയുന്നത് എന്ന് തോന്നിക്കാണും.'

'അതിൽ കാര്യമില്ലല്ലോ...? ഇതുവരെ വീട്ടിൽ ഉണ്ടായിരുന്നവരെല്ലാം അങ്ങനെ അൺ എത്തിക്കലായിട്ട് തന്നെയാണ് ​ഗെയിം കളിച്ചതും കളിക്കുന്നതും. ആരൊക്കെ എന്തൊക്കെ ചെയ്തിട്ടുണ്ടെന്ന് ആർക്കും അറിയില്ലല്ലോ...' ബ്ലസ്ലി അപർണയ്ക്ക് വിവരിച്ച് കൊടുത്തു.

Recommended Video

എന്റെ കളി ഇങ്ങനെയാണ്.. അശ്വിന്റെ ആദ്യ പ്രതികരണം | Filmibeat Malayalam

ഡോക്ടർ‌ റോബിനും ജാസ്മിനും തമ്മിലുള്ള വഴക്ക് തുടങ്ങുന്നത് ആദ്യ ആഴ്ചയിലെ പാവ ടാസ്ക്ക് മുതലാണ്. ഡോ.റോബിൻ വിശ്വാസ വഞ്ചന കാണിച്ച് നിമിഷയുടെ പാവ തട്ടിയെടുത്തത് ജാസ്മിന് ഉൾക്കൊള്ളാൻ കഴിയുമായിരുന്നില്ല.

ശേഷം ഇവർ തമ്മിൽ വലിയ വാക്ക് തർക്കവും നടന്നു. ഇക്കഴിഞ്ഞ ദിവസം വരെ ജാസ്മിൻ റോബിനോട് പാവയെ തട്ടിയെടുത്തതിനെ ചൊല്ലി പോരാടിച്ചിരുന്നു. ഇതുവരെയുള്ള നോമിനേഷനിൽ ജാസ്മിൻ ഏറ്റവും കൂടുതൽ തവണ എവിക്ഷനിലേക്ക് നോമിനേറ്റ് ചെയ്തിട്ടുള്ളതും റോബിനെയാണ്.

ജാസ്മിനും സുഹൃത്തുക്കളായ നിമിഷയും ഡെയ്സിയും ഏറ്റവും കൂടുതൽ വളഞ്ഞിട്ട് ആക്രമിക്കുന്ന രണ്ട് വ്യക്തികളിൽ ഒരാൾ റോബിനാണ്. ആത്മാർഥതയോടെയുള്ള കോംപ്രമൈസ് ആയിരുന്നെങ്കിൽ ഇരുവരും നല്ല രീതിയിൽ തുടർന്നും സൗഹൃദം കൊണ്ടുപോകാനാണ് റോബിൻ-ജാസ്മിൻ വീഡിയോ വൈറലായതോടെ ബി​ഗ് ബോസ് പ്രേക്ഷകരും ആശംസിക്കുന്നത്.