റഫീഖ്‌ അഹമ്മദ്‌

ജീവചരിത്രം:  മലയാളകവിയും, ചലച്ചിത്ര ഗാനരചയിതാവുമാണ്‌ റഫീക്ക് അഹമ്മദ്. കേരള സാഹിത്യ അക്കാദമി പുരസ്കാരവും, കേരള സർക്കാറിന്റെ മികച്ച ചലച്ചിത്രഗാനരചയിതാവിനുള്ള അവാർഡും ഇദ്ദേഹത്തിന് ലഭിച്ചിട്ടുണ്ട്. സജ്ജാദ് ഹുസൈന്റെയും തിത്തായിക്കുട്ടിയുടേയും മകനായി 1961 ഡിസംബർ 17-ന്‌ തൃശ്ശൂർ ജില്ലയിലെ അക്കിക്കാവിൽ ജനിച്ചു. ഗുരൂവായൂർ ശ്രീകൃഷ്ണ കോളേജിൽ നിന്ന് ഇംഗ്ലീഷ് സാഹിത്യത്തിൽ ബിരുദം കരസ്ഥമാക്കിയതിനുശേഷം തൃശൂർ അളഗപ്പനഗർ ഇ എസ് ഐ ഡിസ്പെൻസറിയിൽ ജോലി ചെയ്തു. തുടർന്ന് 2012 ഒക്ടോബറിൽ ജോലിയിൽ നിന്ന് സ്വയം വിരമിച്ചു. ഗർഷോം എന്ന ചിത്രത്തിന് വേണ്ടിയാണ് ആദ്യം ഗാനങ്ങൾ രചിച്ചത്. ലൈല ആണ് ഭാര്യ. മനീഷ് അഹമ്മദ്, ലാസ്യ എന്നിവർ മക്കളാണ്.