വിദ്യാസാഗർ

ദക്ഷിണേന്ത്യൻ ചലച്ചിത്ര രംഗത്ത് പ്രവർത്തിക്കുന്ന സംഗീത സംവിധായകനാണ് വിദ്യാസാഗർ. സംഗീത പാരമ്പര്യമുള്ള കുടുംബത്തിലായിരുന്നു അദ്ദേഹത്തിൻറെ ജനനം. പിതാവ് യു രാമചന്ദറിന്‌ എട്ട് സംഗീതോപകരണങ്ങൾ വായിക്കാനറിയാമായിരുന്നു. അദ്ദേഹത്തിന്റെ പിതാമഹനായ വരാഹ നരസിംഹ മൂർത്തി വിജയനഗരം ബോബിനി രാജവംശത്തിലെ കൊട്ടാരം വിദ്വാനായിരുന്നു. 1989-ൽ രാജശേഖരൻ (റോബർട്ട്) സംവിധാനം ചെയ്ത പൂമാനം എന്ന തമിഴ് സിനിമയിലെ 'എൻ അൻപേ' എന്ന ഗാനത്തിലൂടെ സ്വതന്ത്ര സംവിധായകനായി. 1993-96 കാലഘട്ടത്തിൽ തെലുങ്ക് സിനിമയിൽ ചേക്കേറിയ അദ്ദേഹം അവിടുത്തെ മുൻ‌നിര സംഗീതസംവിധായകനായി മാറി. നടൻ മമ്മൂട്ടി ആണ് വിദ്യാസാഗറിനെ മലയാള സിനിമയിലെത്തിച്ചത്. 'മലയാള ചിത്രത്തിൽ സംഗീതം ചെയ്യാൻ താല്പര്യമുണ്ടൊ‘ എന്ന്...