മറിയം മുക്ക്

ആദ്യ പകുതി കടലിലും രണ്ടാം പകുതി പള്ളിയിലുമായി പോയൊരു ചിത്രം. പക്ഷേ രണ്ടിടത്തും ഉറച്ചുനില്‍ക്കാത്തതിനാല്‍ പ്രേക്ഷകര്‍ സിനിമയ്‌ക്കൊടുവില്‍ കൂവി മടുക്കുന്നു. ഫഹദ് ഫാസില്‍ നായകനായ മറിയംമുക്ക് എന്ന ചിത്രത്തിനൊടുവില്‍ കൂവി മടുക്കുന്ന പ്രേക്ഷകരെയാണു കാണുന്നത്. കടല്‍ പശ്ചാത്തലത്തിരൊങ്ങിയ ചിത്രം പള്ളിയിലേക്കും മാതാവിന്റെ ദിവ്യ പ്രവൃത്തിയിലേക്കുമായിപ്പോയതോടെ സംവിധായകന്‍ പ്രേക്ഷകരെയങ്ങു മറുന്നു.പിന്നെ നായകന്റെയും നായികയുടെയും പ്രണയം വിജയിപ്പിക്കാന്‍ പലതും കാട്ടിക്കൂട്ടേണ്ടി വന്നു. എല്ലാ തെമ്മാടികളെയും ഒറ്റരാത്രികൊണ്ടു വിശുദ്ധന്മാരാക്കേണ്ടി വന്നു. അതോടെ എല്ലാം തകിടം മറിഞ്ഞു. പിന്നെ പ്രേക്ഷകര്‍ തിയറ്റര്‍ കയ്യടക്കുകയായി. ഫഹദ് നായകനായ ആമേന്‍ കണ്ടവര്‍ക്ക് ഈ സിനിമയില്‍ ഒരു പുതുമയും തോന്നില്ല. ഫഹദിന്റെ തന്നെ ചേഷ്ടകളെല്ലാം ആവര്‍ത്തനമായിട്ടേ തോന്നുന്നുള്‌ളൂ. കണ്ടാല്‍ പ്രണയം തോന്നുകയോ മുഖത്തൊരു പ്രണയം തോന്നുകയോ ചെയ്യാത്തൊരു നായിക നായകനു തീരെ ചേരുന്നില്ല. പിന്നെ ബാക്കിയെല്ലാം നമ്മള്‍ പല സിനിമയില്‍ കണ്ട കഥാപാത്രങ്ങള്‍ തന്നെ. ചായക്കടക്കാരനും മീന്‍ വില്‍ക്കുന്നവനും അവിടുത്തെ ഗുണ്ടകളും ഗുണ്ടാ നേതാക്കളും നേട്ടമുണ്ടാക്കാന്‍ വരുന്ന വരത്തനുമെല്ലാമായി സിനിമയാകെ കൂടിമറിയുന്നു.