ചെയ്തതൊന്നും പെട്ടന്ന് ഇല്ലാതാവില്ല; നിങ്ങളെ പിന്തുടരും; വിജയ് ദേവരകൊണ്ടയ്ക്കെതിരെ ടെലിവിഷൻ നടി

ഇതിനിടെ ലൈ​ഗർ റിലീസായ ദിവസം തെലുങ്ക് ടെലിവിഷൻ നടി അനസൂയ ഇട്ട ട്വീറ്റുകളാണ് സോഷ്യൽ മീഡിയയിൽ ചർച്ചയാവുന്നത്. 'അമ്മയെ ചീത്ത പറഞ്ഞതിന്റെ പ്രത്യാഘാതങ്ങൾ എളുപ്പം പോവില്ല. നേരത്തെയോ വൈകീട്ടോ കർമ്മ നിങ്ങളെ വേട്ടയാടും' എന്നാണ് അനസൂയയുടെ ട്വീറ്റ്. പ്രത്യക്ഷത്തിൽ ഇത് വിജയ് ദേവരെകാണ്ടയ്ക്കെതിരെയാണെന്ന് തോന്നുന്നില്ലെങ്കിലും ഇരുവരും തമ്മിലുള്ള പ്രശ്നം പരിശോധിക്കുമ്പോഴാണ് ട്വീറ്റിന്റെ പശ്ചാത്തലം മനസ്സിലാവുന്നത്.

2017 ൽ വിജയ് ദേവരകൊണ്ടയുടെ സൂപ്പർ ഹിറ്റ് ചിത്രമായിരുന്നു അർജുൻ റെഡി. സ്ത്രീ വിരുദ്ധ പരാമർശങ്ങളും സ്ത്രീകൾക്കെതിരെയുള്ള അതിക്രമങ്ങളെയും പുകഴ്ത്തുന്ന സിനിമയെന്ന് വ്യാപക വിമർശനം നേരിട്ട സിനിമയാണ് അർജുൻ റെഡി. ചിത്രത്തിൽ അമ്മമാരെ തെറിവിളിക്കുന്ന ഒരു ഡയലോ​ഗും ഉണ്ടായിരുന്നു.

ചിത്രത്തിന്റെ പ്രൊമോഷൻ പരിപാടികൾക്കിടെ ഈ വാക്ക് വിജയ് ദേവരകൊണ്ടയും ഉപയോ​ഗിച്ചു. ഇതിനെതിരെ അനസൂയ അന്ന് രം​ഗത്ത് വന്നിരുന്നു. നടനെ വിമർശിച്ച് കൊണ്ടിട്ട ട്വീറ്റുകളുടെ പേരിൽ അനസൂയക്കെതിരെ സൈബർ ആക്രമണം ഉണ്ടായി.

ഈ സംഭവം കഴിഞ്ഞ് അഞ്ച് വർഷത്തിന് ശേഷമാണ് വിജയ് ദേവരകൊണ്ടയുടെ ലൈ​ഗർ‌ റിലീസ് ചെയ്യുന്നത്. സിനിമ റിലീസ് ചെയ്ത ദിവസം തന്നെ കർമ്മ ഫലം അനുഭവിക്കുമെന്ന് നടി ട്വീറ്റുമിട്ടു. വൻ പ്രതീക്ഷകളോടെ തിയറ്ററിലെത്തിയ സിനിമയ്ക്ക് തണുത്ത പ്രതികരണമാണ് ലഭിച്ച് കൊണ്ടിരിക്കുന്നത്. വിജയ് ദേവരെകാണ്ടയുടെ ആദ്യ ബോളിവുഡ് ചിത്രവുമായിരുന്നു ഇത്.

Recommended Video

Liger Movie Theatre Response Kerala | ലൈഗർ സിനിമ പൊട്ടിയോ? | *VOX

സ്ത്രീ വിരുദ്ധതയുടെ പേരിൽ ഏറെ വിമർശനങ്ങൾ കേട്ട അർജുൻ റെഡി പക്ഷെ വമ്പൻ ഹിറ്റായിരുന്നു. വിജയ് ദേവരകൊണ്ടയുടെ കരിയർ തന്നെ മാറി മറിഞ്ഞത് ഈ ചിത്രത്തിലൂടെയായിരുന്നു. ‌മറു ഭാഷകളിലും ചിത്രം റീമേക്ക് ചെയ്യപ്പെട്ടു. ഹിന്ദിയിൽ കബീർ സിം​ഗ് എന്ന പേരിലാണ് ചിത്രം റീമേക്ക് ചെയ്തത്.

ഷാഹിദ് കപൂറായിരുന്നു ചിത്രത്തിലെ നായകൻ. തമിഴിൽ ആദിത്യ വർമ്മ എന്ന പേരിലും ചിത്രം എത്തി. ധ്രുവ് വിക്രം ആയിരുന്നു ചിത്രത്തിലെ നായകൻ. ലൈ​ഗറിന് ശേഷം ഖുശി ആണ് വിജയ് ദേവരകൊണ്ടയുടെ പുറത്തിറങ്ങാനുള്ള സിനിമ. ചിത്രത്തിൽ സമാന്തയാണ് നായിക. ഇരുവരും ഒന്നിച്ചഭിനയിക്കുന്ന ആദ്യ സിനിമ ആണിത്.