ശാലിനി

ജീവചരിത്രം:  ന്ന പേരില്‍ ബാലതാരമായാണ് ചലച്ചിത്രരംഗത്തേക്ക് കടന്നുവരുന്നത്. 1983ല്‍ പ്രദര്‍ശനത്തിനെത്തി എന്റെ മാമാട്ടിക്കുട്ടിയമ്മയ്ക്ക് ആണ് അഭിനയിച്ച ആദ്യ ചിത്രം.ഫാസില്‍ സംവിധാനം ചെയ്ത  ചിത്രത്തിലെ ശാലിനിയുടെ കഥാപാത്രം ഏറെ പ്രശസ്ത നേടിയിരുന്നു. അഞ്ചാമത്തെ വയസ്സിലാണ് ശാലിനി ആ ചിത്രത്തില്‍  അഭിനയിക്കുന്നത്. ചിത്രത്തിലെ അഭിനയത്തിന്  ആ വര്‍ഷത്തെ മികച്ച ബാലതാരത്തിനുള്ള സംസ്ഥാന ചലച്ചിത്രപുരസ്‌ക്കാരം ലഭിച്ചിരുന്നു.  ഈ ചിത്രത്തിനുശേഷം നിരവധി അവസരങ്ങള്‍ താരത്തെ തേടിയെത്തി.ആദ്യത്തെ അനുരാഗം, മുത്തോടു മുത്ത്. സന്ദര്‍ഭം, ഒരു സുമംഗലിയുടെ കഥ, ചക്കരയുമ്മ എന്നീ ചിത്രങ്ങളില്‍ ബാലതാരമായി ശാലിന തിളങ്ങി.1985ല്‍ ബന്ധം ന്ന തമിഴ് ചിത്രത്തിലൂടെ തമിഴിലും അരങ്ങേറ്റം കുറിച്ചു. അതേ വര്‍ഷം തന്നെ പിള്ളെ നിലാ എന്ന തമിഴ് ചിത്രത്തിലും അഭിനയിച്ചു. പിന്നീട് ചലച്ചിത്രരംഗത്തുനിന്നും ഏറെകാലം വിട്ടുനിന്നിരുന്നു.അനിയത്തിപ്രാവ് എന്ന ചിത്രത്തിലൂടെയാണ് വീണ്ടും ചലച്ചിത്രരംഗത്ത് സജീവമായത്.ചിത്രത്തില്‍ കുഞ്ചാക്കോബോബന്റെ നായികയായിരുന്നു. പിന്നീട് മണിരത്‌നം സംവിധാനം ചെയ്ത 'അലൈപായുതേ'എന്ന ചിത്രത്തില്‍ മാധവന്റെ നായികയായി അഭിനയിച്ചു. ഈ രണ്ടും  ചിത്രങ്ങളിലെയും അഭിനയം ശാലിനിയെ ചലച്ചിത്രരംഗത്ത് പ്രശസ്തയാക്കി.തമിഴ് ചലച്ചിത്രതാരം അജിത്താണ് ഭര്‍ത്താവ്.വിവാഹത്തിനുശേഷം താരം അഭിനയരംഗത്തുനിന്നും വിട്ടുനിന്നു.