മംഗ്ലീഷ്

റെഡ്‌ വൈനിനു ശേഷം സലാം ബാപ്പു സംവിധാനം ചെയ്ത ചിത്രമാണ് മംഗ്ലീഷ്. കരോളിന്‍ ബെക്ക്‌ എന്ന ഹോളണ്ടുകാരിയാണ് ചിത്രത്തിൽ മമ്മൂട്ടിയുടെ നായിക. ഡെച്ച്‌ സിനിമകളിലും, പരസ്യചിത്രങ്ങളിലും കരോളിൻ നേരത്തെ അഭിനയിച്ചിടുണ്ട്. മാലിക്‌ ഭായ്‌ എന്ന കഥാപാത്രത്തെയാണ് മമ്മൂട്ടി ഈ ചിത്രത്തിൽ അവതരിപ്പിക്കുന്നത്. കൊച്ചിയിലെ ഹാര്‍ബറില്‍ മീന്‍ കച്ചവടത്തിന്റെ ലേലം മുതല്‍ വിവിധ ഇടപാടുകൾ നടത്തി ജീവിക്കുന്ന മാലിക്‌ഭായ്‌ ഏവര്‍ക്കും പ്രിയങ്കരനാണ്‌. ഒരു ദിവസം മിഷേല്‍ എന്ന വിദേശവനിത മാലിക്‌ഭായ്‌യെ കാണുവാനായി ഹാർബറിൽ എത്തുന്നു. മാലിക്‌ പറയുന്നത്‌ മിഷേലിനും മിഷേല്‍ പറയുന്നത്‌ മാലിക്‌ ഭായ്‌ക്കും അറിയാന്‍ കഴിയാത്ത സാഹചര്യത്തില്‍ അവര്‍ നേരിടുന്ന രസകരമായ മുഹൂര്‍ത്തങ്ങളാണ്‌ മംഗ്ലീഷ്‌ എന്ന ചിത്രത്തില്‍ സലാം ബാപ്പു ദൃശ്യവല്‍ക്കരിച്ചിരിക്കുന്നത്. ടിനി ടോം, ജോജോ, വിനയ്‌ ഫോര്‍ട്ട്‌, മുകുന്ദന്‍, സുധീര്‍ കരമന, രാമു, സത്താര്‍, രവീന്ദ്രന്‍, സുനില്‍ സുഖദ, കലിംഗ ശശി, കലാഭവന്‍ റഹ്‌മാന്‍, ചെമ്പില്‍ അശോകന്‍, കലാഭവന്‍ ഹനീഷ്‌,  തുടങ്ങിയവരാണ്‌ മംഗ്ലീഷിലെ മറ്റു പ്രധാന താരങ്ങള്‍. നവാഗതനായ റിയാസാണ് കഥയും, തിരക്കഥയും, സംഭാഷണങ്ങളും തയ്യാറാക്കിയിരിക്കുന്നത്. റഫീഖ്‌ അമ്മഹദ്‌, സന്തോഷ്‌ വര്‍മ്മ എന്നിവരുടെ വരികള്‍ക്ക്‌ ഗോപി സുന്ദർ ഈണം പകർന്നിരിക്കുന്നു.